متحف المجوهرات الملكي

عيش اللحظة كأنك فرد من العيلة الملكية في متحف المجوهرات الملكية في الأسكندرية. المتحف بيحتفي بالعائلة الملكية المصرية اللي أسسها محمد علي باشا في 1805 واستمر حكمها لمدة 150 عام. المجموعة معروضة في القصر الساحر للأميرة فاطمة الزهراء، سليلة عائلة محمد علي باشا. مش بس هتتفرج على المجوهرات، ولكن كمان هتشوف القصر اللي هيسحرك من أول مرة. القصر اتبني في 1919، وبيجمع بين الطراز المعماري الأوروبي والإسلامي، وبيعكس ذوق الأميرة الرفيع في اختيار الرسومات، والسقف المطلي بالذهب، والموزاييك اللي بيزين غرف كتيرة من القصر. الممتلكات اللي تم تجميعها وتوريثها لأفراد العائلة على مر فترة حكمهم، وبتعرض في قاعات القصر المهولة. قلادة من الألماظ والزمرد ملك أسرة محمد علي، من ضمن مجموعة المتحف. أسلوب حياة العائلة الفخم بينعكس في لوحة الشطرنج من الذهب، الياقوت والزمرد، وكاسات الدهب المطعمة بالأحجار الكريمة. المجوهرات المبهرة صممها أعظم مصممين من أوروبا، ولبستها الملكات والأميرات من العائلة الملكية المصرية ومعروضة في المتحف كمان.