مزرعة الصرات

اهربوا من زحمة المدينة واستمتعوا بهدوء ونقاء مزرعة الصرات و اللي بتصادف أنها موطن لمجموعة متنوعة من حيوانات المزرعة اللي يقدر أطفالكم يلعبوا و يتفاعلوا معها. هناك بيقوموا بتربية المعيز و الخرفان في حظيرة المواشي ، و عندهم خيل إنقاذ ، وحمير ، وجاموس ماء ، وبغال ، زوجان من الأبقار ، قفص مليان بالدواجن! كمان عندهم مجموعة كلاب بيتجولوا بحرية في المزرعة. المكان مثالي لقضاء يوم من الاسترخاء في الهواء الطلق ، مع الجري علي الخضرة الواسعة، والحفر في الرمل ، و البحث عن الصخور وجمعها ، وفي الأيام الدافية ، هناك كمان فيه أحواض سباحة منتشرة في المكان عشان الأطفال تستمتع بيها. رسوم الدخول شاملة نص ساعة ركوب خيل في المزرعة أو نص ساعة جولة في الطبيعة للزوار الأكبر من 10 سنوات. لكم مطلق الحرية في إنكم تجيبوا معاكم اللانش بوكس الخاص بكم أو ممكن تتصلوا بهم مباشرة علشان يرتبوا لكم وجبة غداء لذيذة قبل زيارتكم. (يجب حجز الغداء مسبقًا). -- الغداء -- منيو الغداء متنوع حسب المتاح في الموسم ولكنه دايمًا بيُعد طازة من مكونات طبيعية وبتشمل طبق لحم لآكلي اللحوم، والخضروات المطبوخة، والأرز، والسلطات، والفاكهة. الأطباق الخالية من اللحوم بتكون عادة نباتية. المكان بيقدم شاي، ونسكافيه، ومياه من بئرهم الخاص. كل حاجة متاحة صحية! لو حابب مشروبات غازية أو عصير، من فضلك هاتهم معاك (غير متاحين/ولا يباعوا في المزرعة). -- النصائح -- - المكان بعيد عن سقارة كانتري كلوب بحوالي كيلو إلى اتنين كيلو واللي بتقع جنوب شبرامنت، بين مجمع أهرامات الجيزة وأبو صير. بمجرد ما تقرب من مدخل سقارة كنتري كلوب، تقدر تسأل أي حد عن مكان "مدام ماريان". - الكلاب: مزرعة الصرات بيت لعدد من الكلاب المتجولين في المزرعة. الكلاب بتختلف أعمارها من أول الجراء لحد عمر عشر سنوات والأحجام من المتوسط للكبير جدًا. المزرعة فيها كلب داني ضخم وده أطول من أغلب الأطفال الصغيرين ولكنه مسالم. الكلاب مطعمة تمامًت ومدربة للاستجابة للطلبات الكلامية زي "ابعد". الكلاب طيبين وكبروا مع الأطفال الصغيرين. الكلاب مش محبوسة وعمرها ما بتتربط. البالونات غير مسموحة وده للحفاظ على سلامة الكلاب والحيوانات الأخرى وبنطلب منكم محدش يأكل الكلاب أي حاجة. البيت ممنوع تمامًا لدخول الزوار وهو مساحة الكلاب الآمنة اللي يقدروا يرتاحوا أو يأخدوا قيلولة أو الابتعاد عن الزوار. أي حد بيخاف من الكلاب بننصحه ميجيش. ملاك المزرعة بيطلبوا إن الأهل يعلموا أطفالهم ميصرخوش لأن ده بيخوف الحيوانات. الحيوانات الأليفة غير مسموح دخولها المزرعة.