ممشى القاهرة- واك أوف كايرو

قضي مع عيلتك يوم مميز في الهواء وفي مكان بيوعدكم أنكم تنبسطوا كلكم سواء أطفال أو كبار. من أول الأكل، للشراء، للترفيه اللي ملوش نهاية، فيه دايمًا حاجات تكتشفها كتيرة. اوصل لمنطقة "ريج"، اللي بتضم أماكن كتيرة بتقدم أكل زي الليدو، سيزوز، لورد أوف وينجز، تشيز كيك مانيا، جرينجوز، فيش آند تشيبس، كازوزة وأكتر!
أما عن الترفيه، أنت وأطفالك ممكن تستمتع بأكبر بارك للترامبولين المفتوحة في القاهرة (فلاي ترامبولين بارك)، أو تشوف حديقة الحيوانات الأليفة، اللي بتضم طيور وغزال حتى. متحف الأوهام اللي هيفتح قريبًا كمان هناك وهيبهركم، وفيه مجسمات كتيرة في المكان.
كلوب ليكو كمان بينظم ركن فيه تعليم صنع السلايم، وتزيين الكب كيك، وأنك تعمل الحلق بتاعك، والطباعة على التي شيرتات، وأكتر. أطفالك الأصغر (من عمر 5 أو أقل) هينبسطوا بمنطقة الألعاب اللي فيها زحاليق ومراجيح. كمان فيه عربيات مجانًا للأطفال.
المكان فيه قعدات كتيرة للاستمتاع بأشعة الشمس والهواء المنعش! وطبعًا حمامات نظيفة!